Izaki itxuragabe berde bat eta Barbie panpina dira film labur gisa hartzeko baldintza guztiak betetzen dituen lan honen protagonistak. Laburtasunaren kontzeptua goitik behera betetzen duela esan genezake, Augusto Monterroso guatemalarrak bere El dinosaurio ipuinarekin egin bezala (“Cuando despertó, el dinosaurio todavía estaba allí”). Rotterdamen bizi den eta Pragako FAMU ospetsuan prestatutako Sophie Laguës zuzendari frantsesarentzat 25 segundo nahikoak dira frustrazio pertsonalei buruzko istorio latza kontatzeko. Beste norbait izateko gogoa, kirurgia estetikoa eta aldaketa, Douglas Buck-en zinemaren edo “Dexter”-en lehen denboraldiaren bertsio light (eta motza).