Naomi Klein kazetariaren izenburu bereko liburuan oinarriturik The Shock Doctrine dokumentalak Sundance edo Donostiako Zinemaldian zeresan handia eman zuen.

Filmak Milton Friedmanen teoria ekonomiko liberalen jatorria aztertzen du baita teoria horiek azken hamarkadetan praktikan izan duten aplikazioa egoera oso ezberdinak zituzten herrialdeetan; esaterako Pinocheten garaiko Txilen, Yeltsinen Errusian, Thatcherren Britainia Handian eta duela gutxiago, Afganistango eta Irakeko inbasioetan. Dokumental honetan, egileak “hondamendiaren kapitalismoa” izenarekin bataiatzen duenaren gorakada azaltzen digu: krisi, gerra, larrialdi edo nahasmen garaien aprobetxamendua gobernu eta enpresa handien aldetik, herri ahulen ekonomiak arpilatzeko.