Estatu Batuak abandonatuta daude, nazio osoan zehar eroso dabiltzan banpiroen esku. Hiriak hilobi bilakatu dira; bizirik dirautenak landa-eremutan elkartzen dira, edota noraezean dabiltza janari bila, kutsatuta daudenetatik ihes egin nahian. Gauean, beldurra da nagusi. Martin gazteak senide guztiak galdu ditu, eta lanbidea erakutsiko dion banpiro-ehiztari beterano batekin egingo du bidaia. Mulberry Street (2006) eta gero, Jim Micklek egindako bigarren film luzea. Gidoia ere berak idatzi du, filmeko protagonista den Nick Damicirekin batera.

*18 urtetik gorakoentzat gomendatua