Albisteak

"Koaderno handia"ren orrialdeak zabalik

2014-12-09

Agota Kristofen lan entzutetsuan oinarriturik, bi anaia bikien haurtzaro latza kontatzen du filmak

 

Aurreko urteko Oscar Sarietan Hungaria ordezkatu zuen János Szász zuzendariaren Koaderno handiak Karlovy Varyko Zinemaldian bi sari nagusi lortu zituen (Crystal Globe pelikula hoberenari saria eta Label Europa Cinemas saria) eta La Rochelle, Toronto edota Sevillako nazioarteko zinema jaialdietan hartu zuen parte.

 

Agota Kristofen (1935-2011) idazle hungariarren trilogiaren lehen liburuaren egokitzapen ilun eta astingarri honetan bi anaia biki, Claus eta Lucas, indarrez heltzera bultzaturik sentituko dira bizitzaren konplikazioei gerra garaian aurren egiten dieten bitartean beren amak, gatazkaren izugarrikeriengatik etsita, landara eramaten dituenean, amonaren etxera. Ikusten duten guztia libreta batean apuntatuko dute. Idazteko garaian kode zorrotz bati eutsiko diote: prosa zehatza izango da eta emoziorik gabekoa.

 

30 hizkuntza baino gehiagotara itzulia dago eleberria, euskara tartean, eta orain Filmazpit programako parte bihurtzen da bere bertsio zinematografikoa. Aipatzekoa ere, Filmazpiti esker, Cameo banatzaileak argitaratutako filmaren edizio komertzialean ere euskarazko azpidatziak aurki daitezkela beste hizkuntzen artean.

Atzera

Erantzunak




Victoria Eugenia Antzokia
Reina Regente, 8
Donostia 20003

filmazpit@gmail.com

+34 609 392 468

Eusko Jaurlaritzak sustatutako ekimena

Kudeatzaileak

Laguntzaileak